Heilmaraton
Maraton (42195 m) startar på den kommunale vegen «Slettebøen», ca. 170 m søraust for E39/ YX-stasjonen. Etter ca. 50m går løypa 90 grader mot høgre i Ospesletta – fram til Liskogvegen, og følgjer denne fram til gang- og sykkelvegen ved E39. Vidare langs gang- og sykkelvegen til Hornindal Idrettspark. Fram til målstreken utgjer dette 2195 meter. Deretter blir det 8 rundar i ei 5km rundløype (sjå omtale av rundløypa under).
Halvmaraton
Halvmaraton (21097,5 m) startar på gang- og sykkelvegen sør for Hornindal kyrkje og held fram til Hornindal Idrettspark. Fram til målstreken utgjer dette 1097,5 meter. Deretter 4 rundar i ei 5km rundløype (sjå omtale av rundløypa under).
10 km Maraton
10 km Startar på målstreken og deretter 2 rundar i ei 5km rundløype (sjå omtale av rundløypa under).
Minimaraton
Minimaraton (4219,5 m) startar ca. 55m sør for start/ målstreken på Hornindal Idrettspark. Etter ca. 150 meter går løypa ut maratonporten – deretter på gang- og sykkelvegen sørover mot Grodås – fram til Anders Svor Museum. Her dreiar løypa til venstre opp Verslavegen – Ospesletta – fram til Liskogvegen, og følgjer denne fram til gang- og sykkelvegen ved E39. Vidare langs gang- og sykkelvegen tilbake til Hornindal Idrettspark.
5 km «Rundløype»
Alle distansar utanom minimaraton skal gjennom ei 5km rundløype.
Maraton: 8 rundar
Halvmaraton: 4 rundar
10km: 2 rundar
Rundløypa startar og sluttar ved start/ målstreken på Hornindal idrettspark. Etter ca. 150m går løypa ut maratonporten – dreiar halvt høgre ca. 220m fram til vending/ kontrollstasjon på parkeringsplassen ved kunstgrasbana. Deretter går rundløypa sørover på gang- og sykkelvegen langs E39 til Grodås – og vidare fram til Anders Svor Museum. Frå muséet går løypa ca. 125m på E39 – fram til Vikaelva. Her dreiar løypa rett venstre og går på lett stigning ca. 100m fram til matstasjon/ kontrollstasjon sør for Hornindal omsorgssenter.
Etter matstasjonen/ kontrollstasjonen går løypa gjennom Urene, først ca. 85m rett fram, dreiar så rett høgre – og går ca. 190m på stigning fram til krysset Bulegene x Slettebøen. Her dreiar løypa til venstre – ned bakken ca. 110 m – fram til Ospesletta, dreiar så til høgre og går ca. 405m fram til kontrollstasjon ved Liskogvegen. Løypa går vidare langs Liskogvegen fram til gang- og sykkelvegen ved E39, dreiar så til høgre og går langs gang- og sykkelvegen tilbake til Hornindal Idrettspark. Samla lengd 5000 meter.
Utanom Hornindal idrettspark går rundløypa i hovudsak på asfaltert veg – med til saman 17 høgdemeter.
